“Teknologjia, bekim”, Rama në OKB: Në Shqipëri 95 % e shërbimeve sot ofrohen online

Në New York ku ndodhet për punimet e asamblesë së kombeve të bashkuara, kryeministri Rama ishte pjesë e tryezës së dialogut me temë “Drejt një të ardhmeje të përbashkët digjitale.

Kreu i qeverisë shqiptare theksoi se teknologjia digjitale është bekim për vendet në zhvillim, ndërsa solli në vëmendje se falë zhvillimit të saj sot në Shqipëri shumica dërmuese e shërbimeve publike ofrohen online.

“Teknologjia dixhitale është një bekim për vendet në zhvillim, dhe ne në Shqipëri e kemi parë atë në jetën tonë reale dhe përmes përpjekjeve tona, duke u bërë një vend ku 95% e shërbimeve sot janë online. Nga ana tjetër, sigurisht që teknologjia dixhitale nuk është vetëm një bekim, por edhe mallkim i sulmeve kibernetike, dhe Shqipëria ishte viktimë e një sulmi kibernetik shumë të ashpër nga Irani dhe ne dëshmuam në jetën tonë reale se sa shumë kjo lloj bote e re bazuar në teknologji mund të jetë i dëmshëm për vendet dhe qytetarët, por në fund, nuk ka dyshim se nëse do të jemi në gjendje të krijojmë një sistem ku bota dhe komuniteti i kombeve do të përfitojnë më të mirën nga premtimet e teknologjisë dixhitale , dhe në të njëjtën kohë, do të zbusë të gjitha anët negative dhe efektet e dëmshme që mund të vijnë nga përdorimi keqdashës i tij, bota do të jetë një vend shumë më i mirë”, tha Rama.

LEXONI GJITHASHTU:

• Rama fjalim në OKB: Pse kërkojmë shtet srovran të Urdhrit të Bektashinjëve…
• Reagon Edi Rama për “Shtetin Bektashi”: Një thesar për shqiptarët…