Telharaj: Bastet online krijojnë 10 herë më shumë varësi

Drejtuesi i Këshillit Shqiptar për problemet e lojërave të fatit, Henri Telharaj thotë se bastet online, krijojnë 10 herë më shumë tendencë varësie.

Në një intervistë për emisionin “Sot” në “Euronews Albania”, Telharaj u shpreh se mbyllja e basteve ishte diçka pozitive, por sipas tij, kjo ka sjellë që të lulëzojnë ato online.

“Për arsye të mbylljes zyrtare të insdustrisë së lojërave të fatit, u mbyllën lokalet dhe vendodhjet e sakta për lojërat e fatit, por për fat të keq u zhvillua edhe më shumë të luajturit online. Të luajturit online është 10 herë më shumë me tendencë varësie, sesa lojërat që luheshin më përpara. Mbyllja kishte avantazhe, por fatkeqësisht ka lënë edhe disavantazhe”, theksoi ai.

Disa ditë më parë federatat kanë firmosur një peticion për këtë çështje, ku kërkojnë mes të tjerave, që një pjesë e parave që do vijnë nga bastet të përdorën për zhvillimin e sportit.

LEXONI GJITHASHTU

• Drejt kthimit të basteve| Kërkohet hapja e lotove online, kontrollin ta ketë shteti
• PD: Rama e kaloi licencën për bastet në pronësi familjare
• Fidel Ylli: S’kemi terrene për aktivitete, sporti me detyrim në shkolla