“Tempulli-t” të Shkodrës i shtohet një tjetër i arrestuar, 3 nën hetim

Një 20-vjeçar është arrestuar nga policia në Shkodër pasi ishte përdorues dhe shiste doza kanabisi në një lokal në afërsi të një gjimnazi.

Lënda narkotike u sekuestrua dhe nën hetim janë dhe 3 persona të tjerë.

Njoftimi i policisë:

Për këtë rast u vu në pranga shtetasi E. S., 20 vjeç, si dhe u referuan materialet në Prokurori, ku nisi procedimi në gjendje të lirë për një 16-vjeçar, si dhe për shtetasit J. M., 22 vjeç dhe D. M., 33 vjeç.

Nga kontrollet në ambientet e lokalit, u kap në flagrancë, duke shitur dozat e cannabis sativës, shtetasi E. S. Shtetasit e proceduar në gjendje të lirë dyshohet se janë të implikuar në veprimtaritë kriminale të përdorimit dhe shitjes së dozave të lëndës narkotike cannabis sativa, në këtë lokal

Në cilësinë e provës materiale, u sekuestrua një sasi lënde e dyshuar narkotike cannabis sativa, e ndarë në doza të gatshme për shitje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Thesaret dhe sekretet e Egjiptit të lashtë, zbulime të reja në tempullin e fundosur
• “Tempulli”| Arrestohet 29-vjeçari në kërkim, shkon në 94 numri i të ndaluarve