Tensione në Komisionin e Sigurisë, deputetët e opozitës bllokojnë mbledhjen

Deputetet e opozitës kanë bllokuar mbledhjen e Komisionit të Sigurisë, ku pritet të diskutohej marrëveshja me Italinë për emigrantët.

Deputetët e Partisë Demokratike janë ulur në vendet e kolegëve të maxhorencës, duke bërë që mbledhja të shtyhet për në orën 12:00.

“Gjëja e parë që duhet të kalonte është marrëveshja për të respektuan Kushtetutën, marrëveshja e dytë për të shenjuar votën e lirë dhe jo për ta konsideruar mall tregu, marrëveshja e tretë për të luftuar korrupsionin që Shqipërinë e faruan duke e vjedhur kjo qeveri, dhe ajo e katërt, për të luftuar krimin sepse në Shqipëri po mbizotëronn, krimi, korrupsioni dhe paligjshmëria”, dëgjohet të thotë deputeti Flamur Noka, i ulur në karrigen e Nasip Naços, drejtuesit të Komisionit të Sigurisë.

Në mbledhjen e Komisionit të Sigurisë pritej të diskutohej marrëveshja e firmosur mes kryeministres Giorgia Meloni dhe kreut të qeverisë, Edi Rama për sjelljen në Shqipëri të emigrantëve nga Afrika që kapen në Mesdhe. Emigrantët priitet të mbahen në dy baza që pritet të ndërtohen në Lezhë.

LEXONI GJITHASHTU:

• Marrëveshja për emigrantët, Balla: Shenjë solidariteti kundrejt Italisë
• Marrëveshja për emigrantët, protestë në Lezhë. Ish-prefekti: Sjell telashe