Tensionet në prag zgjedhjesh, Dashamir Shehi: Shenjat janë të këqija

Kryetari Lëvizja për Zhvillim Kombëtar dhe njëherësh aleati i Partisë Demokratike Dashamir Shehi ka analizuar në “Ilva Now” përplasjen e fundit ën zyrat e FRD-së në Tiranë dhe tensionet të një dite më parë në Elbasan.

Ai theksoi se fushatë ka nisur keq dhe këto skenarë sipas tij nuk janë shenja të mira për kulturën demokratike në Shqipëri.

“Ka nisur pak keq, por jo për fajin tonë. Besoi se nuk është shenjë e mirë. Ka vazhduar pak me tensionet si Elbasani, çështja e zyrave të FRD.  Do kisha parapëlqyer që mos të ndodhin këto incidente”, tha ai.

Ai shpreson që klima politike të zbusë tonë në mënyrë qytetarët të zgjedhin lirshëm alternativën.

“Këto quheshin incidente kur ndodhin, por në gjuhën e hetimit quhen indicie, të cilat janë shenja që projektojnë një situatë, e cila… por shenjat janë të këqija. Do uroja që të ketë një moment kthese në këtë fushatë për t’i dhënë fuqi qytetarëve të zgjedhin qetësisht”, shtoi ai.