Tentoi të shiste një kallashnikov, arrestohet 34-vjeçari në Sarandë

Një 34-vjeçar është arrestuar nga policia e Sarandës ditën e sotme pasi kap në flagrancë me armë zjarri kallashnikov, të cilën dyshohet se do ta shiste në qytetin e Sarandës.

Në kuadër të operacionit të koduar “Strike 8”, u vu në pranga 34-vjeçari, shtetasi Eduart Musej, 34 vjeç banues në Sarandë dhe shtetasi Evidoned Shahini, 31 vjeç i cili dyshohet se do të ndihmonte 34-vjeçarin, për të shitur armën.

Policia tha se gjatë kontrollit në automjetin tip “Audi” që drejtonte 34-vjeçari shërbimet e Policisë gjetën 1 armë zjarri kallashnikov dhe 1 krehër me municion luftarak, të cilat dyshohet se ky shtetas do t’i shiste në qytetin e Sarandës;

31-vjeçari Shahini, gjithashtu banues në Sarandë dyshohet se do të ndihmonte shtetasin Eduart Musej për të shitur armën e zjarrit. Ky shtetas është kapur nga shërbimet e Policisë ndërkohë që drejtonte një automjet tip “Ford”.

Arma e zjarrit kallashnikov, 1 krehër me municion luftarak dhe 2 automjetet e shtetasve të arrestuar, u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

LEXONI GJITHASHTU:

• Ish-kryebashkiaku i Sarandës paraqitet në Prokurorinë e Posaçme
• Ishte shpallur në kërkim, vetëdorëzohet në Polici ish-drejtori i ALUIZNI-t Sarandë