Tentuan të dilnin nga Shqipëria me dokumente false, arrestohen 2 shtetas turq

Dy persona, shtetas turk janë arrestuar nga policia kufitare në Durrës. Bëhet fjalë për E.B. 22 vjeç dhe M.D., 29 vjeç.

Këta shtetas kanë paraqitur në sportel, në dalje të RSh-së, pasaporta turke dhe leje për qëndrim në Holandë, të cilat pas verifikimit rezultuan të falsifikuara. Pas kryerjes së veprimeve procedurale, dokumentet u sekuestruan në cilësinë e provës materiale.

Gjithashtu është nisur procedimi në gjendje të lirë për dy shtetas marokenë të cilët tëntuan të kalonin kufirin duke u fshehur në fshehur në pjesën e poshtme të dy kamionëve. Si dhe u procedua në gjendje të lirë një 50 vjeçar shqiptar, i cili rezultoi se kishte dalë ilegalisht më parë nga Shqipëria.

Njoftimi i policisë:

“U arrestuan në flagrancë shtetasit turq E. B., 22 vjeç dhe M. D., 29 vjeç, të dy banues në Turqi, për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i dokumenteve”. Këta shtetas kanë paraqitur në sportel, në dalje të RSh-së, pasaporta turke dhe leje për qëndrim në Holandë, të cilat pas verifikimit rezultuan të falsifikuara. Pas kryerjes së veprimeve procedurale, dokumentet u sekuestruan në cilësinë e provës materiale;

U referuan materialet në Prokurori ku nisi procedimi në gjendje të lirë për veprën penale “Kalimi i paligjshëm i kufirit shtetëror”, për shtetasit:

H.M., 27 vjeç dhe M. A., 36 vjeç, të banues në Marok, pasi gjatë kontrollit të ushtruar nga shërbimet e Policisë Kufitare, në vijën e dytë, janë gjetur të fshehur në pjesën e poshtme të dy kamionëve;

A.D., 50 vjeç, pasi nga verifikimet e kryera në hyrje të RSh-së, rezultoi se kishte dalë ilegalisht më parë nga Shqipëria.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Po transportonin 15.8 kg kanabis fshehur në dy makina, kapen në flagrancë 2 persona
• Vrasja në Pejë: Bashkëshorti e qëlloi gruan 2 herë në kokë, në banesë dhe 3 fëmijët