Tentuan të godasin me sende të forta të moshuarin në Himarë, ndërhyn policia

Punonjësit e policisë kanë parandaluar një konflikt mes disa personave në Llaman të Himarës.

Blutë bëjnë me dije se shtetasit A. M., 35 vjeç dhe K. M., 24 vjeç, janë konfliktuar fizikisht dhe kanë tentuar të godasin me sende të forta shtetasin Ll. Q., 74 vjeç, pasi ky i fundit ka dërguar dy punonjësit e tij shtetasit R. L dhe R. A., të shpërndanin disa fletëpalosje për të reklamuar biznesin e tij, i cili ndodhet afër me subjektin e palës tjetër të përfshirë në këtë konflikt.

Asnjë nga shtetasit e përfshirë në këtë konfilikt nuk ka ngelur i dëmtuar, pasi konflikti është neutralizuar në kohë nga efektivët e Policisë.

Strukturat hetimore të Komisariatit të Policisë Himarë, në përfundim të veprimeve proceduriale do të referojnë materialet në Prokurori, për veprime të mëtejshme.

LEXONI GJITHASHTU: 

• Rusia dëbon nëntë diplomatë të Finlandës në shenjë hakmarrjeje
• Gabimi historik i BE: Po mbështet Serbinë, që ta largojë nga Rusia