Policia kufitare në Kakavijë ka arrestuar 2 persona dhe ka sekuestruar një sasi prej 63, 2 kg lëndë narkotike të llojit kanabis sativa të cilën ata tentuan ta trafikonin drejt Greqisë.

Nga kontrolli i detajuar në automjetin që drejtohej nga shtetasi O. K., shërbimet e Policisë gjetën të fshehura në një vend të fshehtë të krijuar posaçërisht në parafangot e automjetit dhe në shasinë e automjetit, 60 pako të mbështjella me natriban, brenda të cilave kishte lëndë narkotike të dyshuar Cannabis Sativa, me peshë totale 63.2 kilogramë.

Specialistët për Hetimin e Trafiqeve dhe Narkotikëve të DVP Gjirokastër arrestuan në flagrancë shtetasit O. K., 44 vjeç, banues në Fier, shoferi i automjetit; dhe E. Xh., 45 vjeçe, banuese në Fier, pasagjere në automjetin ku u gjet lënda narkotike.

Në cilësinë e provës materiale u sekuestruan 63.2 kilogramë kanabis sativa, 3 celularë, automjeti dhe 1890 euro.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme për veprën penale “Trafikimi i lëndëve narkotike”, kryer në bashkëpunim.

LEXONI GJITHASHTU:

• Me 1890 fara kanabisi në kofanon e makinës, pranga 26-vjeçarit në Krujë
• Sekuestrohen 3.5 kg kanabis në Durrës, 3 të arrestuar