Tentuan të vidhnin një makinë në Korçë, arrestohen dy persona

Dy persona E. M., 33 vjeç dhe E. Z., 30 vjeç të cilët rezultojnë me vendbanim në Shkodër janë arrestuar pak pas mesnate këtë të mërkurë në Korçë.

Ata janë kapur në flagrancë ndërsa po tentonin të hapnin dyert e një automjeti me mjete të forta.

Njoftimi i policisë:

Shërbimet e Komisariatit të Policisë Korçë, pas marrjes së njoftimit se dy shtetas po tentonin të vidhnin një automjet, në lagjen nr.18, Korçë, kanë organizuar menjëherë punën në bashkëpunim me shërbimet e Forcës së Posaçme “Shqiponja”, për kapjen e tyre.

Si rezultat i veprimeve të shpejta policore, u kapën në flagrancë pas mesnate, duke tentuar të hapnin dyert e automjetit tip “Audi”, me mjete të forta, dhe u arrestuan shtetasit: E. M., 33 vjeç dhe E. Z., 30 vjeç, të dy banues në Shkodër.

Mjetet e përdorura nga këta shtetas për vjedhjen u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Vjedhja”, kryer në bashkëpunim, mbetur në tentativë.

LEXONI GJITHASHTU:

• Fshehu 20 mln euro në muret e banesës, arrestohet ish-shefi i policisë në Spanjë
• “Kush dreqin është ky djalë”- Pasiguri në Pentagon nga zgjedhja e shefit të ri