Tërmeti tragjik në Turqi, Brataj: Ja faktorët që ndikojnë në mbijetesën e personave

Kreu i Emergjencës Kombëtare Skënder Brataj është shprehur se janë shumë faktorë që ndikojnë në mbijetesën e personave që kanë ngelur nën rrënoja si pasojë e tërmetit.

I ftuar në emisionin “Review” në Euronews Albania, Brataj theksoi se nëse tërmeti do të kishte rënë në verë do të kishte më pak të mbijetuar duke shtuar se temperaturat e ulëta japin mundësi për mbijetesë.

” Janë shumë faktorë që ndikojnë në mbijetesën e personave. Ne shohim vetëm ato që jetojnë por  nuk dimë pas sa ditësh vdesin ata që mbeten nën rrënoja.  Varet nga rënia temperatura, hapësira, përmasat e personit, mosha e personit. Një person vdes më shumë nga mungesa e ujit se sa nga e ushqimit. Temperaturat e ulëta japin mundësinë e mbijetesës. Nëse tërmeti do të ndodhte në verë do të kishte më pak të mbijetuar.”- tha ai.

LEXONI GJITHASHTU: 

• U futën në shpellë për të rregulluar tubacionin e ujit, asfiksohen dy persona
• Profesori shpjegon gabimet që janë bërë me ndërtimet në Turqi