Terror ndaj selive diplomatike, Ukraina: Pako më sy kafshësh në ambasadat tona

Ambasadave dhe konsullatave ukrainase në 6 vende evropiane u janë dërguar pako që përmbanin mbetje kafshësh, ka bërë të ditur Ministria e Jashtme në Kiev.

Konsullata në Bërno të Çekisë dhe një kopsht afër saj u evakuuan për arsye sigurie pasi një pako e tillë mbërriti në selinë diplomatike.

Zëdhënësi i Ministrisë së Jashtme ukrainase deklaroi se pakot përmbanin sy kafshësh dhe besohet se janë pjesë e një fushate të organizuar me qëllim terrorin dhe intimidimin.

Pako të tilla u dërguan gjithashtu në ambasadat ukrainase në Poloni, Hungari, Kroaci, Itali dhe Holandë.

Ndërkohë, një pako që përmbante eksploziv iu dërgua të mërkurën ambasadës ukrainase në Madrid. Pakoja shpërtheu gjatë hapjes dhe një agjent sigurie mbeti i plagosur.

Ndërsa ambasadori ukrainas në Vatikan, Andri Yurash bëri të ditur se hyrja e rezidencës së tij në Romë ishte vandalizuar me mbetje kafshësh mbrëmjen e së enjtes.

LEXONI GJITHASHTU:

• Gjykatë për krimet ruse, BE: Ukraina të rindërtohet me paratë e oligarkëve
• Ukrainasit zgjedhin artin për t’u shkëputur nga realiteti i hidhur i luftës