Tetë raste të reja me COVID-19 në Shqipëri

Tetë raste të reja me COVID-19 janë identifikuar në Shqipëri gjatë orëve të fundit. Ministria e Shëndetësisë thotë se rastet pozitive janë konstatuar pas kryerjes së 4136 testeve të dyshuara, ndërsa prej ditësh nuk raportohet asnjë humbje jete.

Numri i të shëruarve vijon të mbetet më i ulët se rastet e reja. Në orët e fundit gjashtë pacientë kanë mposhtur virusin vdekjeprurës, duke e çuar shifrën totale të tyre në mbi 130 mijë, që prej fillimit të pandemisë.

Shpërndarja gjeografike e rasteve aktive sipas qarqeve:
Tiranë 43
Elbasan 11
Fier 10
Vlorë 10
Korçë 8
Shkodër 6
Lezhë 5
Durrës 4
Kukës 2
Gjirokastër 2.

Po ashtu vihet re një shtim i numrit të pacientëve, që kërkojnë trajtim mjekësor si pasojë e infektimit nga COVID-19.

Aktualisht në spitalin infektiv janë tetë pacientë që ndodhen në kujdesin e bluzave të bardha, ndërsa gjendja shëndetësore e tyre raportohet e qëndrueshme.

Në Shqipëri si pasojë e coronavirus kanë humbur jetën gjithsej 2,456 pacientë, shumica e të cilëve me sëmundje të tjera shoqëruese.

LEXONI GJITHASHTU: 

• OBSH ngre shqetësimin se dyndja e tifozëve për finalen e Euro 2020 mund të përhapë më tej COVID-19
• U infektua njëkohësisht me dy variante të COVID, vdes e moshuara në Belgjikë
• Specialistja e ISHP: Shfrytëzoni këtë periudhë për t’u vaksinuar kundër COVID-19