Thatësia kërcënon Amazonën! Brazili shpall gjendje emergjence për pyjet tropikalë

Në pyjet e Amazonës nuk po bie më shi. Autoritet e Brazilit kanë shpallur gjendjen e emergjencës humanitare dhe parashikojnë një situatë të katastrofike për mijëra kafshë në pyjet tropikale.

Qeveria e Brazilit shpalli të ënjtjen gjendjen e jashtëzakonshme humanitare për shkak të thatësirës që ka prekur pyjet e Amazonës. Një pjesë e madhe e pyjeve tropikale të Amazonës po përballen me mungesën e ujit dhe temperatura të larta për stinën.

Sipas ministrit të Ambientit, Marina Silva kriza humanitare kërcënon 56 nga 62 bashkitë, aktivitetit i të cilave lidhet direkt me pyjet tropikalë.

Mungesa e ujit në lumenj ka bërë që mijëra tonë peshq të dalin të ngordhur në brigje. Dy javë më parë, komunitetet që banojnë në Aamazonë kërkuan ndërhyrje urgjente për situatën. Ndërkohë që zona rrezikohet dhe nga zjarret, si dhe nga prerja e paligjshme e pyjeve.

Përfaqësues të mbrojtës civile deklaruan se situata mund të bëhet edhe më keq gjatë muajve në vijim. Shkak kryesor është mungesa e reshjeve të shiut, të cilat furnizojnë lumenjtë. Pyjet tropikalë të Amazonës cilësohen si mushkëria e botës dhe kanë ndikim në ekosistemin e disa kontinenteve.

Rreth 500 mijë njerëz mendohet se preken nga problemet e Klimës në këtë zonë.

LEXONI GJITHASHTU:

• Ditë zie në komunën ku u vra shqiptarja nga burri, italianët mbajnë homazhe
• Sveçla publikon pamjet e supervilës së Radoiçiç: Pablo Escobar, jo luftëtar lirie