Ditë zie në komunën ku u vra shqiptarja nga burri, italianët mbajnë homazhe

Gazetarja Alba Kepi ishte këtë të premte e ftuar në një lidhje direkte për Euronews Albania ku ka zbuluar më shumë detaje lidhur me ngjarjen tronditëse ku një 35 vjeçare shqiptare u ekzekutua në Itali nga ish-bashkëshorti i saj.

Ajo tha se shkak për këtë ngjarje të rëndë ka qenë xhelozia e ish-bashkëshortit të saj. Sipas gazetares çifti kishte një vit që ishte divorcuar, por bashkëshorti i Klodiana Vefës, refuzonte të dilte nga shtëpia.

Alba Kepi tha gjithashtu se në komunën ku ndodhi ngjarja tronditëse dita e nesërme është shpallur ditë zie, e ndërsa pritet të ketë edhe homazhe nga banorët në nderim të shqiptares së ekzekutuar.

“Sot në mbrëmje në orën 20:30 kryetari i bashkisë i kësaj komune do të shpalli ditë zie lokale në komunën ku ka ndodhur ngjarja.

Gjithashtu të gjithë banorët e kësaj komune do të bashkohen në një manifestim të heshtur për të nderuar kujtimin e të ndjerës dhe për të denoncuar këtë rast krimi i cili ka tronditur, pasi ajo edhe pse është emigrante shqiptare, ajo ka qenë pjesë e këtij komuniteti dhe vrasja e saj i ka prekur të gjithë”,-tha gazetarja.

LEXONI GJITHASHTU:

• “Mbi 1 vit të ndarë, por jetonin bashkë”- Gazetarja: Si u vra shqiptarja nga burri
• Nënë e dy fëmijëve, kush është shqiptarja që u vra me plumb në kokë