Nënë e dy fëmijëve, kush është shqiptarja që u vra me plumb në kokë

Një ngjarje e rëndë ka ndodhur mbrëmjen e djeshme në provincën Casterlfiorentino të Firences në Itali.

35-vjeçarja me origjinë shqiptare Klodiana Vefa u ekzekutua me plumb në kokë rrugës për në banesën e saj teksa po kthehej nga puna.

Krimi ka ndodhur në rrugën via Galvani, pak pas orës 20:00 të mbrëmjes së të enjtes.

Sipas hetimeve paraprake, policia ka bërë me dije se 35-vjeçarja u ekzekutua nga një burrë i cili kishte dijeni mbi rrugën që do të përshkruante me këmbë shqiptarja dhe po e priste pranë banesës.

I dyshuari kryesor për ngjarjen është ish-bashkëshorti i viktimës, Alfred Vefa, të cilin policia e ka shpallur në kërkim.

Ndërkohë që janë marrë në pyetja dhe dy fëmijët e saj, djali 17-vjeçar dhe vajza 14-vjeçe.

35-vjeçarja kishte mosmarrëveshje të vazhdueshme me burrin dhe ishin distancuar nga njëri tjetri kohët e fundit.

Vefa punonte si kamariere në një piceri dhe ishte integruar në komunitetin e Castelfiorentino, ku jetonte prej kohësh.

Policia ka nisur një operacion për kapjen e autorit, duke kryer kontrolle në të gjithë zonën dhe duke ngritur postoblloqe në rugët hyrëse dhe dalëse të provincës.

LEXONI GJITHASHTU:

• “Vrapo mami vdiq”- Detaje nga ekzekutimi i 35-vjeçares, u përlesh me burrin në rrugë
• “Jam beton e xham”, Postimet e fundit të shqiptares që u vra nga burri në Itali
• Nënë e dy fëmijëve, kush është shqiptarja që u vra me plumb në kokë