Theu masë e arrestit në shtëpi, përfundon në pranga 21-vjeçari në Vlorë

Një 21-vjeçar është arrestuar në Vlorë pasi kishte thyer masën e sigurisë të arrestit në shtëpi.

I riu i cili ishte dënuar më herët për veprën penale “Prodhimi dhe shitja e narkotikëve” ëhstë arrestuar në flagrancë teksa po lëvize me makinë nëpër qytet.

Njoftimi i policisë:

Theu masën “Arrest në shtëpi” për prodhim dhe shitje narkotikësh, kapet nga shërbimet e Qarkullimit Rrugor duke lëvizur me automjet në qytet, arrestohet 21-vjeçari.

Në vijim të kontrolleve të shërbimeve të Sektorit të Qarkullimit Rrugor në DVP Vlorë, për rritjen e sigurisë rrugore dhe parandalimin e shkeljeve të Kodit Rrugor, në rrugën “Pelivan Leskaj”, është ndaluar për verifikim një automjet me drejtues shtetasin J. K., 21 vjeç, banues në Vlorë.

Gjatë verifikimeve të kryera nga policia, rezultoi se ky shtetas ishte me masë sigurie “Arrest në shtëpi” për veprën penale “Prodhimi dhe shitja e narkotikëve”, të cilën e kishte shkelur duke lëvizur me automjet në qytet.

Në vijim të veprimeve, specialistët për Hetimin e Krimeve në Komisariatin e Policisë Vlorë kryen arrestimin e tij në flagrancë dhe referuan materialet në Prokurori për veprime të mëtejshme procedurale.

LEXONI GJITHASHTU;

• SPAK mbyll hetimet dhe dërgon për gjykim për ish-kryebashkiakun e Shkodrës
• “SPAK nuk e mbron më!” Berisha: Nuk i bashkojmë kurrë votat me Ramën për drejtësinë