Thirrja e gazetarit: Shpati Lena duhet të ishte në burg, ILD të vihet në lëvizje

Sipas gazetarit Eni Ferhati, Inspektoriati i Lartë i Drejtësisë do të duhet të shohë vendimin për lirimin e Shpati Lenës.

Lena është një nga viktimat e atentatit të ndodhur paraditen e së enjtes në Panaja të Vlorës.

Ai ishte në kërkim për përkrahje të autorit të krimit në një ngjarje më herët, u arrestua në mars  dhe pas 5 muajsh u gjet i lirë, në rrugë, por si viktimë e një atentati.

Gazetari u shpreh se nuk ishte në dijeni se si gjykatat kanë argumentuar lirimin e tij, por sipas tij duhet parë me patjetër qëndrimi i prokurorisë.

“Jemi në kushtet ku Inspektori i Lartë i Drejtësisë duhet të vihet në lëvizje për të kontrolluar ddhe verifikuar procedurat që janë ndjekur me këtë rast nga arrestimi deri tek lirimi i tij,” – u shpreh Ferhati.

“Shpesh herë policia duhet të mbajë edhe kusuret e drejtësisë. Ka jo pak raste, madje mund të them minon punën e policisë,” – shtoi ai.

Shpati Lena dhe Hakim Xhezo janë viktimat. Vrasja ndodhi rreth orës 09:30 në autostradën Fier-Vlorë, teksa në drejtim të automjetit të tyre u qëllua me breshëri plumbash, nga një tjetër automjet në lëvizje.

LEXONI GJITHASHTU:

• Të përfshirë në një vrasje në 2019-ën, kush ishin dy viktimat e atentatit në Vlorë