Tifozët nuk ulin moralin, vijon atmosfera: Jemi nga Presheva do festojmë Play-off-in

Atmosfera e tifozëve pas ndeshjes Shqipëri–Angli, ku Kombëtarja u mund nga “Luanët” me dy gola, u pasqyrua këtë të diel në emisionin “Review” në Euronews Albania, të moderuar nga Greta Topjana.

Nga bulevardi “Nënë Tereza”, gazetarja Lediana Braçe intervistoi disa prej tifozëve dhe solli atmosferën e pasndeshjes, e cila, pavarësisht humbjes, ishte tejet e gjallë dhe e mbushur me motivim.

Një tifoze qytetare: “Tanët bënë sa mundën. Kemi besim te ndeshjet e tjera. Edhe kështu, ne jemi shumë krenarë për ta. Lojtari im i preferuar është Manaj.”

Nga ana tjetër foli dhe një tifoz nga Presheva i cili shoqërohej me miqtë e tij.

Një tifoz nga Presheva: “Do festojmë sepse jemi në play-off. Kemi ardhur nga Presheva dhe kemi edhe një selam. Pritshmëritë ishin të mira, por nuk na deshi fati. Performanca ishte e mirë dhe patëm shumë emocione.”