Tirana pa trajner, shkarkohet Bledi Shkëmbi

Ndaj Egantias ishte ndeshja e fundit për Bledi Shkëmbin nën drejtimin e Tiranës, kjo pasi drejtuesit bardheblu kanë vendosur ta shkarkojnë atë.

Gjatë ditëve të fundit situata ka qenë jo e qetë, ku janë zhvilluar mbledhje me teknikun dhe lojtarët, për gjetjen e gjuhës së përbashkët, por kjo ishte e pamundur. Si rrjedhojë, shkarkimi i trajnerit Shkëmbi ishte i pashmangshëm.

Rezultatet negative të klubit bardheblu nuk janë toleruar nga presidenti Halili, pasi në 12 javë, kryeqytetasit janë vetëm 1 fitore, 8 barazime dhe 3 humbje, të vendosur shumë larg objektivave. Në renditje janë në një pozicion të rrezikshëm, thuajse në zonën e ftohtë, që do ti vështirësonte llogaritë më tej në kampionat.

Përballja ndaj Vllaznisë ishte ajo që solli dhe lëkundjet më të mëdha, ku ekipi pësoi plot 4 gola, ndërsa ndaj Egnatias iu vendos kapaku. Për herë të parë rrogozhinasit mposhtën Tiranën në shtëpi, duke thyer mallkimin. Shkëmbi e mori drejtimin e Tiranës pak muaj më parë, por nuk arriti të plotësonte objektivat e vendosur.

LEXONI GJITHASHTU:

• Tirana pa spektatorë, Pogoni: Shkak-pasojë, lojtarët e Vllaznisë provokuan tifozët
• Pas derbit në Vlorë, Tirana pritet të luajë me Laçin në…;