Tiranë: Escobar bën thirrje për kandidatë me integritet në zgjedhje

I dërguari i Shteteve të Bashkuara për Ballkanin Perëndimor, Gabriel Escobar, është takuar të martën në Tiranë me krerë institucionalë, pak para zgjedhjeve lokale të 14 majit në këtë shtet.

Escobar është pritur nga presidenti, Bajram Begaj, kryeministri, Edi Rama dhe ministrja e Jashtme, Olta Xhaçka.

Ambasada amerikane në Shqipëri, ka thënë se thirrja e Escobarit për liderët ka qenë që ”të sigurojnë që kandidatët të përmbushin kërkesat e ligjit dhe të përmbushin pritshmëritë e qytetarëve shqiptarë për integritet të lartë”, shkruan REL.

Thirrje të ngjashme ka bërë edhe ambasadorja amerikane në Tiranë, Yuri Kim, ditë më parë.

LEXONI GJITHASHTU:

• Bumçi i numëron live në emision: Fitojmë në Tiranë, Durrës, Korçë, Elbasan
• Begaj pret Escobar: SHBA rol të pazëvendësueshëm në garantimin e paqes në rajon