Për të përkujtuar gjashtë milionë hebrenjtë që humbën jetën në Holokaust, Ambasada e Izraelit vendosi kurora në Monumentin e Holokaustit në Tiranë, së bashku me Qeverinë e Shqipërisë, përfaqësuar nga Ministrja e Shtetit për Marrëdhëniet me Parlamentin, Elisa. Spiropali, ambasadorin gjerman Karl Bergner dhe kreun e komunitetit Hebre, Amos Dojaka.
Përfaqësues nga të gjithë komunitetet fetare në Shqipëri bënë homazhe për viktimat e Holokaustit.
Sot, me antisemitizmin dhe urrejtjen në rritje në mbarë botën, është thelbësore që të kujtojmë mësimet e së kaluarës dhe të kuptojmë se ku mund të çojë urrejtja. Gjatë Holokaustit, fushatës sistematike për të shfarosur popullsinë hebreje evropiane, gjashtë milionë hebrenj humbën jetën nga duart e nazistëve.
Përkujtimi shërben për të rivendosur dinjitetin dhe drejtësinë për viktimat dhe komunitetin si dhe për të siguruar që bota nuk do të qëndrojë indiferente.
LEXONI GJITHASHTU:
- Rreth 245.000 të mbijetuar të Holokaustit janë gjallë nëpër botë
- X heq postimin mohues të Holokaustit pas kritikave të Muzeut të Aushvicit
