Tiranë/ Plagosje me armë zjarri në Allias, policia jep njoftim zyrtar

Mëngjesin e sotëm, në zonën e Alliasit në Tiranë, bëhet me dije se ka ndodhur një konflikt për motive të dobëta mes dy komshinjve, teksa ka përfunduar me përdorimin e armës së zjarrit.

Dyshohet se shtetasi me iniciale K. T., 38 vjeç, ka plagosur në këmbë shtetasin me iniciale S. B., 31 vjeç. Ndërkohë mësohet se i plagosuri është transportuar menjëherë në spital dhe ndodhet jashtë rrezikut për jetën.

Policia ka mbërritur menjëherë në vendngjarje dhe vijon kontrollin e zonës për të bërë të mundur kapjen e autorit.

Njoftimi zyrtar i policisë:

Rreth orës 07:50, në Allias, dyshohet se gjatë një konflikti për motive të dobëta shtetasi K. T., rreth 38 vjeç, ka plagosur me armë zjarri në këmbë shtetasin S. B., rreth 31 vjeç(komshi me njëri-tjetrin). Aktualisht 31-vjeçari ndodhet në spital, jashtë rrezikut për jetën.

Shërbimet e Policisë kanë shkuar menjeherë në vendngjarje dhe vijojnë kontrollin e zonës për kapjen e autorit.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

LEXONI GJITHASHTU:

• Konflikti me armë zjarri/ Kush janë autori dhe i lënduari nga plagosja në Allias
• Izraeli akuzohet për krimet më të rënda të luftës