Tiranë: Sekuestrohen pasuritë e një shtetasi të dënuar në Angli për trafik droge
Prokuroria e Tiranës ka sekuestruar pasuritë e një shtetasi shqiptar të dënuar në Mbretërinë e Bashkuar për trafik droge.
Në një njoftim zyrtar, Prokuroria pranë Gjykatës së Shkallës së Parë të Juridiksionit të Përgjithshëm në Tiranë, bëri me dije se pasuritë janë të shtetasit A.Ll., të dënuar në Angli për veprën penale “Prodhim dhe shitje të lëndëve narkotike”.
Sipas hetimeve, pasuritë në emër të familjarëve të personit në fjalë, nuk justifikohen nga pikëpamja ekonomike dhe dyshohet se janë përfituar si rezultat i veprimtarisë kriminale.
Në listën e pasurive të sekuestruara përfshihen:
- Një pasuri e paluajtshme me numër 416/118, që përfshin 403.1 m² truall dhe 275.2 m² ndërtesë (pjesërisht në pronësi ½), e regjistruar më datë 24.03.2021 në emër të babait të subjektit, shtetasit B.Ll.;
- Dy automjete, një Opel Corsa dhe një Jeep Grand Cherokee;
- Një aktivitet tregtar, me emrin “Auto Lleshi”, që operon në fushën e riparimit të automjeteve dhe tregtisë së pjesëve të përdorura dhe të reja, si dhe në importin, shitjen dhe blerjen e makinave, i regjistruar me NUIS L52116150G dhe i administruar nga vëllai i subjektit.
Prokuroria bën me dije se ka administruar dokumentacionin përkatës dhe ka konstatuar një mospërputhje të theksuar midis të ardhurave të deklaruara dhe pasurive të zotëruara, duke ngritur dyshime të arsyeshme se pasuritë janë përfituar në mënyrë të paligjshme.
Hetimet në kuadër të ligjit “Për masat kundër krimit të organizuar dhe krimeve të rënda” vijojnë, ndërsa pasuritë janë në proces vlerësimi të mëtejshëm nga autoritetet kompetente.
LEXONI GJITHASHTU:
Mblidhen protestuesit e parë para Kuvendit, deputetët e PS hyjnë 30 minuta më herët (VIDEO)
Arrestohet shqiptari në Britani, la fëmijët vetëm në shtëpi për të takuar një 14-vjeçare që kishte njohur në internet
Zbardhen rrethanat e plagosjes me armë në Pogradec, kush janë 4 autorët që tentuan të vrasin 35-vjeçarin (EMRAT)
- 09:48 Mblidhen protestuesit e parë para Kuvendit, deputetët e PS hyjnë 30 minuta më herët (VIDEO)
- 09:45 Iraku mirëpret bisedimet SHBA-Iran
- 09:44 Plani i ri i mbrojtjes në Britani, Starmer shpalos programin e investimeve para largimit nga detyra
- 09:41 Kongo raporton më shumë se 1,300 raste me Ebola: OBSH-ja bën thirrje për kujdes
- 09:39 NASA: 60,000 ndërtesa mund të jenë dëmtuar ose shkatërruar nga tërmeti në Venezuelë
- 09:36 Arrestohet shqiptari në Britani, la fëmijët vetëm në shtëpi për të takuar një 14-vjeçare që kishte njohur në internet