Kontroll blic në burgun e Durrësit, sekuestrohen 10 telefona celularë

Një operacion i befasishëm është zhvilluar në Institucionin e Vuajtjes së Dënimit në Durrës, me qëllim parandalimin e futjes së sendeve të paligjshme brenda ambienteve të burgut.

Gjatë kontrollit të ushtruar nga autoritetet, janë sekuestruar gjithsej 10 aparate telefonike celularë. Sipas burimeve zyrtare, 2 prej tyre janë gjetur brenda qelive të të dënuarve, ndërsa 8 të tjerë janë kapur në ambientet e jashtme të institucionit, në tentativë për t’u futur në zonën e brendshme të sigurisë.

Ky kontroll vjen në kuadër të masave të rritura për të parandalimin e përdorimit të mjeteve të ndaluara nga personat e dënuar.

LEXONI GJITHASHTU:

• Shpërthimi në burgun e Fushë-Krujës, reagon Drejtoria e Burgjeve
• Shpërthim pranë burgut në Fushë-Krujë, çfarë dyshohet