Qëllohet sërish me vezë makina e një prej deputetëve (VIDEO)

30 Qershor 2026 | 12:47

Vijojnë të mbeten të larta tensionet përpara Parlamentit, ku po mbahet seanca plenare e radhës. Ndërkohë që brenda sallës deputetët po vijojnë debatet dhe diskutimet mbi rendin e ditës prej orës 10:00, jashtë saj situata ka vijuar me përplasje.

Vetëm pak minuta pasi protestuesit qëlluan me vezë automjetin e zëvendëskryeministres Albana Koçiu, shënjestër e sulmit është bërë edhe makina e ministrit të Turizmit, Kulturës dhe Sportit, Blendi Gonxhja.

Sipas pamjeve, situata paraqitet mjaft e tensionuar tek protestuesit, të cilët kanë qëlluar në drejtim të automjetit të ministrit Gonxhja jo vetëm me vezë, por edhe me shishe uji, ndërsa makina e ministrit është larguar me shpejtësi nga perimetri i Parlamentit.

Përgjatë gjithë momentit, në sfond janë dëgjuar thirrjet e vazhdueshme të protestuesve me fjalën “Turp!”.

Forcat e rendit kanë shtuar masat e sigurisë rreth Kuvendit, pasi tensioni mbetet i lartë.

Home Kryefaqja
Shiko në: YouTube
Lajme të Sugjeruara

Goditet grupi kriminal që shpërndante drogë pranë shkollave, 14 të arrestuar (VIDEO)

Policia e Tiranës ka finalizuar operacioni policor ë koduar “Segmenti”, me qëllim goditjen e një grupi të strukturuar kriminal të dyshuar për shpërndarje të lëndëve...
13:58 | 30/06/2026

Arrestimi i disa personave, protestuesit marshojnë drejt Drejtorisë së Policisë

Protestuesit kanë lënë ambientet e Parlamentit nga ku situata pati përplasje fizike, hedhje të mjeteve piroteknike. Tashmë protestuesit po marshojnë drejt Drejtorisë së Policisë duke...
13:52 | 30/06/2026

Përplasje të dhunshme mes qytetarëve dhe policisë, protestuesit hedhin mjete piroteknike

Ka degraduar në dhunë dhe përplasje fizike protesta që po zhvillohet mesditën e sotme përpara Parlamentit. Krahas sulmeve me vezë dhe shishe uji ndaj makinave...
13:48 | 30/06/2026