Tjetër arrestim në veri, Sveçla: S’lejojmë askënd të cënojë rendin kushtetues

Ministri i Brendshëm i Kosovës, Xhelal Sveçla, ka njoftuar arrestimin e një personi të tretë në veri të Kosovës në lidhje me sulmet ndaj gazetarëve në Leposaviç.

Përmes një postimi në facebook, Sveçla nënvizon se të gjithë kriminelët, të cilët marrin urdhra nga Beogradi për të nxitur skena dhune, do të shkojnë përballë drejtësisë.

Ai theksoi gjithashtu se Kosova është vend shembull për funksionimin e demokracisë dhe nuk do të tolerohet askush që sulmon dhe frikëson qytetarët e gazetarët.

“Tre ditët e fundit, tre të arrestuar për sulmet brutale dhe kriminale ndaj gazetarëve që raportojnë nga veriu i vendit. I arrestuari i tretë i rradhës është Urosh Vukasinoviq.

Këta kriminelë, të cilët po marrin urdhra për këto sulme nga Beogradi, tashmë do të përballen me drejtësinë. Nuk do të ndalemi, çdo përgjegjës për dhunën dhe aktet kriminale ndaj gazetarëve do të arrestohet.

Republika e Kosovës është vend shembull i funksionimit të demokracisë dhe nuk do të lejojmë askënd, me asnjë çmim të sulmojë qytetarët, të frikësojë raportimin e gazetarëve dhe cënojë rendin tonë kushtetues”, shkruan Sveçla.

LEXO GJITHASHTU: 

• “Të pranojnë takimin pa asnjë kusht” BE ultimatum Kurtit e Vuçiç: Refuzimi ka pasoja
• Rama: Nëse s’lirohen policët këtë javë, rikthehet akulli në marrëdhëniet me Serbinë
• Osmani: Mosmarrëveshjet e Kosovës me SHBA dhe BE duhet të tejkalohen