Osmani: Mosmarrëveshjet e Kosovës me SHBA dhe BE duhet të tejkalohen

Presidentja e Kosovës, Vjosa Osmani, shpreson se mosmarrëveshjet aktuale të Kosovës me Bashkimin Evropian dhe Shtetet e Bashkuara të Amerikës do të tejkalohen.

Në një takim me korrespondentë politikë gjatë qëndrimit të saj në Berlin, Osmani ka thënë se është koha për të gjetur zgjidhje të qëndrueshme.

Përgjegjësia për situatën e krijuar megjithatë mbetet në Serbi, thotë Osmani, e cila e akuzoi presidentin serb Aleksandar Vuçic që është kthyer në strategjinë e vjetër, e cila krijon krizë pas krizash duke bllokuar suksesin dhe zbatimin e marrëveshjeve të dialogut.

“Serbët kishin instrumente të ndryshme që mund të ishin përdorur nëse do të donin të kontestonin legjitimitetin e kryetarëve të komunave që u zgjodhën. Por ata nuk përdorën asnjë nga ato mjete kushtetuese demokratike për ta bërë këtë”, ka thënë presidentja.

Përsa i përket zgjedhjeve të reja në katër komunat serbe në veri të Kosovës, Osmani ka thënë se Kosova ka kërkuar mbështetjen e partnerëve tanë për t’u siguruar që Serbia të mos ndërhyjë në mënyrë të paligjshme në zgjedhjet e një vendi tjetër, siç bëri herën e kaluar, dhe që të mos u bëjë presion serbëve të Kosovës që të mos marrin pjesë. Por deri më tani nuk kemi marrë përgjigje”, vijoi Osmani.

Sa i përket tërheqjes së forcave policore, ajo ka thënë se Kosova tashmë ka propozuar që të bëhet një vlerësim i përbashkët i sigurisë së bashku me KFOR-in dhe EULEX-in. Mosmarrëveshjet aktuale të Kosovës me BE-në dhe SHBA-në, Osmani i shpjegoi me pakënaqësinë e vendeve partnere për situatën e krijuar në veri që nga 26 maji, kur nisën punën katër kryetarët shqiptarë të komunave me shumicë serbe në veri të Kosovës. Si pasojë e protestave të dhunshme të serbëve, më 29 maj u lënduan një numër i madh ushtarësh të KFOR-it dhe civilë.

LEXO GJITHASHTU: 

• Rama: Nëse s’lirohen policët këtë javë, rikthehet akulli në marrëdhëniet me Serbinë
• Sulmoi gazetarët në veri të Kosovës, policia arreston të dyshuarin në Leposaviç
• Shqiptarët e Kosovës protestë masive në Austri: Mos mbështesni autokratët