Sulmoi gazetarët në veri të Kosovës, policia arreston të dyshuarin në Leposaviç

Policia e Kosovës ka arrestuar një tjetër të dyshuar në lidhje me sulmin ndaj gazetarëve të veri të Kosovës. Në pranga ka përfunduar shtetasi me inicialet U.V., pjesë e komunitetit serb me vendbanim në Leposaviç.

Sipas autoriteteve të Kosovës, burri është arrestuar si pasojë e provave të grumbulluara në lidhje me sulmin ndaj gazetarëve dhe kameramanëve të premten e kaluar, 16 qershor, në Leposaviç.

“Të gjitha veprimet e mëtejme do të ndërmerren në bashkëpunim dhe koordinim me organet e drejtësisë. Angazhimi dhe përkushtimi i Policisë së Kosovës do të vazhdojë për ruajtje të rendit dhe sigurisë publike, për sundim të ligjit dhe sjelljen para organeve të drejtësisë së personave të dyshuar që bien në kundërshtim me rendin dhe ligjin”, thuhet në njoftim.

LEXO GJITHASHTU: 

• “Kurti do luftë me çdo kusht”- Vuçiç kritika Perëndimit dhe kërkon lirimin e serbëve
• Shqiptarët e Kosovës protestë masive në Austri: Mos mbështesni autokratët