Tjetër kallëzim për shpifje në GJKKO për Gazmend Bardhin

Kreu i grupit parlamentar demokrat, Gazmend Bardhi, është kallëzuar sërish në Gjykatën e Posaçme për shpifje dhe fyerje, siç parashikohet nga nenet 119 dhe 120 të Kodit Penal.

Deputeti demokrat këtë herë është kallëzuar nga viktima akuzuese, Shoqëria Korporata Elektroenergjitike Shqiptare (Sh.A. KESH).

Shorti ka përcaktuar për shqyrtimin e çështjes gjyqtaren Etleva Deda.

Më herët, në GJKKO, Bardhi është kallëzuar për të njëjtat akuza nga ish-drejtori i Policisë së Shkodrës, Edmond Sulaj, për të cilën vijon procesi, ndërsa për kallëzimin e OSHEE, kreu i grupit parlamentar demokrat u shpall i pafajshëm.

LEXONI GJITHASHTU:

• Bardhi reagon ndaj Begajt: Presidenti po tenton të kontrollojë Gjykatën Kushtetuese
• “Ta nisim nga vetja”, Bardhi: Deputetët të deklarojnë nëse kanë përdorur SKY ECC