Vetëm një ditë pas ngjarjes tragjike pranë shkollës “Fan Noli” në Tiranë një incident tjetër ka ndodhur kësaj herë në Korçë ku pas një përplasje për lojën e futbollit dy të mitur të moshës 12-vjeçare janë konfliktuar mes tyre, ku njëri prej tyre ka përfunduar në spital pasi është qëlluar me gur nga bashkëmoshatari i tij.

Për sqarimin e rrethanave të ngjarjes policia ka shoqëruar në komisariat 12-vjeçarin tjetër bashkë me babain e tij.

Njoftimi i policisë

Rreth orës 14:00, në fshatin Bulgarec, dy të mitur 12-vjeçar gjatë lojës (futboll), janë konfliktuar me njëri-tjetrin.

Nga konflikti është dëmtuar lehtë me gur njëri prej tyre, i cili po merr mjekim në spital pa probleme për jetën.

12-vjeçari tjetër, së bashku me prindin, është shoqëruar në Komisariat.

Grupi hetimor po punon për sqarimin e rrethanave të rastit.

• “Fëmijët s’donin të vinin në shkollë”, vrasja e 14-vjeçarit, prindërit: Jemi shokuar
• PD kërkon 1 minutë heshtje për 14-vjeçarin, Spiropali: Mos e përdorni për politikë