Një vajzë 11-vjeçare dhe një grua mbetën të plagosura të hënën në sheshin “Leiçester” të Londrës, në një sulm të ri me armë të ftohtë.

Sipas mediave lokale, që citojnë policinë metropolitane, një person është arrestuar lidhur me sulmin dhe ndodhet në gjendje burgimi.

Autoritetet deklaruan se nuk besojnë se nuk ka të dyshuar të tjerë për sulmin, i ndodhur në një nga zonat më të frekuentuara nga turistët në kryeqytetin britanik.

Vajza e mitur është dërguar në spital, ku i është nënshtruar një procesi mjekimi, por plagët e saj nuk përbëjnë rrezik për jetën; ndërsa gruaja, 34 vjeç, ka marrë plagë më të lehta.

Në vijim të komunikimit me mediat, policia metropolitane ka nënvizuar se nuk ka të dhëna që të sugjerojnë se agresioni ishte me sfond terrorist.

Forcat britanike të rendit vazhdojnë të jenë në gjendje gatishmërie pas protestave të dhunshme të ndodhura pas një sulmi të ngjashëm që la të vdekura tre vajza të mitura.

Në një raport të publikuar muajin e kaluar, Këshilli i Krerëve të Policisë Kombëtare paralajmëronte se dhuna ndaj grave dhe vajzave në Angli dhe Uells kishte arritur “nivele epidemike”.

LEXONI GJITHASHTU:

• Trazirat e së djathtës ekstreme në Angli frikësojnë gratë muslimane, zbuloni shkakun
• Vuçiç dhe Osmani në Britani, marrin pjesë në takimin e Komunitetit Politik në Angli