Topuzi: Në 30 vite kemi gabuar, duhet të ishim para Malit të Zi

Kryetar i shoqatës së turizmit Zak Topuzi tha në një intervistë për Euronews Albania se Shqipëria është një pikë e rëndësishme e turizmit.

Sipas tij në 30 vite kemi gabuar, pasi duhet të ishim para Malit të Zi me zhvillimin në sektorin e turizmit.

Topuzi u shpreh se ky vit turistik ishte i suksesshëm jo vetëm për Shqipërinë, por për gjithë botën dhe i tillë fluks nuk ishte i pritshëm.

“Ka rreth 16% më shumë lëvizje turistike sepse s’mund të thuash turistë sepse ka dhe nga ata që kalojnë në tranzit, krahasuar me vitin 2019 që konsiderohet viti më i mirë,” – u shpreh ai.

Kryetari i shoqatës së turizmit shtoi gjithashtu se pavarësisht se bilanci ishte pozitiv rritja e çmimeve dhe kriza energjetike kishte ulur fitimin e bizneseve.

LEXONI GJITHASHTU:

Orikumi pastër dhe lirë, turizmi familjar favorizohet nga çmimet