Toto Wolff premton: Mercedes do të kthehet kompetitiv në Botërorin e F1

Lewis Hamilton dhe George Russell nuk ishin në gjëndje të shkonin në podium në Bahrein dhe Arabinë Saudite por Toto Wolff është i bindur se Mercedes do të kthehet sërish kompetitiv këtë sezon. Team Principal mendon se presioni i shtuar nuk do të ndihmojë askënd në skuderinë e tij.

Sipas tij problemet me performancën e dobët lidhen me fizikën dhe jo mungesën e motivimit, përpjekjeve apo energjive. Wolff e pranoi se në Arabinë Saudite, Mercedes u ndje në vështirësi në kthesat e shpejta dhe në sektorët e DRS.

Shqetësim që rritet për shkak se inxhinierët nuk po gjejnë lidhje mesa pistës dhe të dhënave teknike që kanë grumbulluar. Drejtuesi i Mercedes e di se është ende herët për të lënë pas Verstappen dhe Red Bull por objektiv është kthimi në luftën për një vend në podium.

Gara e tretë sezonale do të zhvillohet në Australi në datat 23 dhe Mars. Ajo do të transmetohet në Eurnews Albania dhe IN Radio në 105.7 mhz.

LEXONI GJITHASHTU:

• Verstappen është i pandalshëm, dominon ndaj Perez dhe Leclerc
• Red Bull dominon garën e parë të Formula 1
• Euronews Albania, pit stop-i i ri i “Formula 1”