EMRAT| Trafik armësh nga Kosova në Shqipëri prej 1 viti, zbërthehet grupi kriminal

Policia e Tiranës ka goditur një grup kriminal që trafikoi armë zjarri nga Kosova në Tiranë, me qëllim shitjen dhe ka sekuestruar 10 armë zjarri.

Në pranga u vunë shtetasit nga Kosova, Blerim Krasniqi, Benjami Shala, Edonis Thaçi, Muhamed Krasniqi.

Burime bëjnë me dije grupi dyshohet se prej gati 1 viti trafikonin armë zjarri drejt Shqipërisë. Prej 8 muajsh i kishin në përgjim. Blerim dhe Muhamed Krasniqi që janë kushërinj, i fusnin armët te linja e autobusëve në pronësi të Edonis Thaçit.

Ky i fundit ishte në dijeni të aktivitetit kriminal dhe bashkëpunonte me të tre personat e tjerë të arrestuar.

Dyshohet se grupi kriminal ka sjellë armë në Shqipëri, kryesisht pistoleta, në Tiranë, Vlorë, Sarandë dhe Korçë. Ka dyshime të forta se armët e sjella dërgoheshin edhe në Greqi, për llogari të grupeve kriminale atje.

LEXONI GJITHASHTU:

• Trafik armësh nga Maqedonia e Veriut në Shqipëri, arrestohet 33-vjeçari
• Zbulohet një depo armësh e Hamasit në Bullgari, parandalohet sulmi në Gjermani