2 pjesëtarë të grupeve kriminale të implikuara në trafikimin e Kokainës nga Amerika Latine në Itali janë arrestuat në Shqipëri, me qëllim ekstradimin.

Policia bëri me dije se në kuadër të planit operacional ndërkombëtar antidrogë, të koduar “BOCA DEH RIO”, të zhvilluar nga agjencitë ligjzbatuese në Firence u vunë në pranga shtetasit Juljan Kollçaku dhe Maksim Ndoci.

Nga kontrollet e ushtruara në ambiente të lidhura me 20 shtetas të tjerë, të dyshuar të implikuar në këtë veprimtari janë  sekuestrohen 20 000 euro, 52 ora të markave të ndryshme, 1 automjet, 7 celularë, kontrata noteriale dhe dokumente të tjera.

Nga hetimet e kryera në kuadër të planit operacional “BOCA DEH RIO”, dyshohet se këta shtetas, të organizuar si grup, gjatë periudhës 2018-2024, kanë trafikuar sasi të konsiderueshme të lëndës narkotike Kokainë nga Amerika Latine dhe më pas e kanë shitur në qytetet Pisa, Firence, Livorno, Venecia dhe Romë.