Trafikonin makina luksoze Itali-Shqipëri, arrestohet 1 italian, procedohet i vëllai

Një shtetas italian është arrestuar në Tiranë, në kuadër të operacionit policor të koduar “Luxury Cars”, ndërsa vëllai i tij është proceduar penalisht. Këta dy persona trafikonin makina luksoze nga Italia për në Shqipëri.

Njoftimi i policisë:

Specialistët e Seksionit për Hetimin e Trafiqeve të Paligjshme të DVP Tiranë, në bashkëpunim me Komisariatin e Policisë Rinas, në bazë të informacioneve se dy shtetas ishin të përfshirë në veprimtarinë kriminale të trafikimit të automjeteve, kanë organizuar dhe finalizuar operacionin policor të koduar “Luxury Cars”.

Në kuadër të operacionit është arrestuar shtetasi italian D. S., 37 vjeç, banues në Itali, si dhe nisi procedimi në gjendje të lirë për shtetasin F. S., banues në Itali.

Nga hetimet ka rezultuar se këta 2 shtetas, në bashkëpunim me njëri-tjetrin, kanë trafikuar në Shqipëri, automjete të vjedhura, kryesisht në Itali.

Në cilësinë e provës materiale janë sekuestruar 2 automjete, tip “Audi Q3” dhe “BMW X6”, prodhime të viteve të fundit, me vlerë rreth 150 000 euro.

Në bashkëpunim me Prokurorinë, vijon puna për të zbardhur raste të tjera të trafikimit të mjeteve, që mund të kenë kryer këta shtetas.

LEXONI GJITHASHTU:

• Qytetarët nderojnë Kryepeshkopin Anastas, mbahen homazhe në Katedralen Ortodokse
• Hetuesit zbresin në terren për zgjedhje, SPAK publikon planin e masave për 11 majin