Trafiku Milot-Kashar/ Rama: Ndjesë dhe pak durim! Zgjidhja është Korridori Blu

Kryeministri Edi Rama ka shpërndarë mëngjesin e kësaj të mërkure një postim në Facebook ku u kërkon qytetarëve të kenë edhe pak durim pasi sezoni fantastik për turizmin, ka rënduar situatën e trafikut në aksin Shkodër-Tiranë.

Pas lajmit të djeshëm të ministres së Infrastrukturës dhe Energjetikës, Belinda Ballukut se tashmë është gjetur zgjidhja për trafikun në segmentin Milot – Kashar edhe kryeministri Rama ka thënë se sa kohë, kjo zgjidhje, Korridori Blu të jetë gati do duhet të kemi durim.

“Ndjesë edhe pak durim ju lutem. I ndjekim me vëmendje ankesat e mirëkuptueshme të drejtuesve të automjeteve në aksin Shkodër – Tiranë këtë verë dhe jemi shumë të vetëdijshëm për faktin që rritja marramendëse e fluksit të vizitorëve në këtë sezon fantastik për industrinë e turizmit, e ka rënduar edhe më shumë se zakonisht situatën e trafikut përgjatë këtij aksi, sidomos në segmentin Milot – Kashar.

Shpërblim i madh i përpjekjeve tona këmbëngulëse ky moment shpërthyes për turizmin, por shumë ndjesë për pasojën e këtij zhvillimi të shumëpritur, të cilën do ta vuajmë edhe për disa kohë në mungesë të Korridorit Blu.

Lajmi i mirë është se puna e gjithanshme, me projektime dhe financime, për ta lidhur Shqipërinë Perëndimore nga veriu në jug me Korridorin Blu, një autostradë e mirëfilltë e standardeve europiane, ka hyrë më në fund në një fazë konkretizimesh po aq të shumëpritura sa edhe zhvillimi i mëtejshëm spektakolar i industrisë së turizmit

* Në segmentin THUMANË – KASHAR po vijon puna me ritme të shpejta dhe është realizuar mbi 40% e volumeve

* For segment MILOT – THUMANË / KASHAR – LEKAJ / LEKAJ – FIER kanë përfunduar garat dhe janë tanimë gati tre kontrata të reja, që po lidhen për të nisur menjëherë nga puna

* Për segmentin MILOT – BALLDREN hapim garën e ndërtimit në vjeshtë

* MURIQAN – LEZHË është segment lidhës me Malin e Zi, për të cilin aktualisht konsulentët e Fondit të Investimeve për Ballkanin Perëndimor (WBIF) po hartojnë projektin paraprak, të cilin pritet ta dorëzojnë në Dhjetor 2023

Korridori Blu do të jetë kolona vertebrore e infrastrukturës turistike të #Shqipërisë2030🇦🇱 e cila po merr formë ditë pas dite, si ylli në ngjitje i Ballkanit Perëndimor

Përdoruesit e aksit të rënduar Shkodër – Tiranë nuk do të durojnë më aq shumë sa kanë duruar, edhe pak durim dhe falë edhe Korridorit Blu po edhe shumë veprave publike në nivel vendor dhe investimeve shumë të konsiderueshme private në turizëm, Shqipërinë breg detare turistike do ta kemi një nga krenaritë tona të mëdha kombëtare”,-shkruan kryeministri Rama.

LEXONI GJITHASHTU:

• SHBA dënon me 45 vite burg bosin kolumbian të drogës, më i rëndësishmi pas Escobarit
• Rikthehen vatrat e zjarrit në Gjirokastër