Trafikuan armë nga Kosova në Shqipëri, Prokuroria Tiranë dërgon në gjykim 8 persona

Prokuroria e Tiranës ka përfunduar hetimet ndaj 8 të pandehurve të cilët tafikuan armë nga Kosova në Shqipëri. Prokuroria njofton se të pandehurit akuzohen për veprat penale “Prodhimi dhe mbajtja pa leje e armëve luftarake dhe municionit”.

Pas mbylljes së hetimeve Prokuroria Tiranë dërgoi në gjyq 8 persona. Tre prej të pandehurve janë nga Kosova. Ata u shpallën fajtorë dhe u dënuan përkatësisht: 8 vite burg të shtetasit B.K., 6 vite e 8 muaj burg shtetasit M.K. dhe 7 vite burg shtetasit E.Th.

Dy të pandehur të identifikuar me incialet B.K. dhe M.K. kanë blerë një sasi të konsiderueshme armë zjarri të llojit pistoletë ‘Zoraki’ me qëllim trafikimin e tyre drejt territorit të Shqipërisë.

Hetimet e zhvilluara nga skuadra e përbashkët hetimore midis Shqipërisë dhe Kosovës, me mbështetjen e Eurojust, çuan në një operacion ndërkombëtar ku u arrestuan 16 persona dhe u sekuestruan 64 armë zjarri dhe municione në të dy shtetet.

LEXONI GJITHASHTU:

• Vrasja e biznesmenit në Elbasan, mbërrijnë në Gjykatë Xhino Ago dhe Kujtim Pisha
• Milan largohet nga Kupa e Italisë, dorëzohet ndaj Lazios në Olimpico