Tragjedia me 4 viktima në Shkodër, Gjykata jep masën e sigurisë për Erdgys Arrazin

Gjykata e Shkodrës ka caktuar masën e sigurisë ‘arrest me burg’ për Erdgys Arrazi, bashkëshortin e 39-vjeçares Alma Arrazi, e cila u gjet e mbytur bashkë me 3 fëmijët e saj në lumin Buna.

Arrazi akuzohet për ‘shkaktim të vetëvrasjes’, pasi ka dyshime se ai ka ushtruar dhunë ndaj bashkëshortes dhe fëmijëve të tij, si dhe e ka tradhëtuar.

Ngjarja ende vijon të mbetet e paqartë, pasi ende vijon kqyrja e kamerave të sigurisë në zonë, për të kuptuar nëse gruaja e ka marrë vetë këtë vendim kaq drastik, apo ka qenë dikush tjetër me të në momentin që ndodhi ngjarja e rëndë.

Kujtojmë se Alma Arrazi dhe 3 fëmijët u denoncuan të zhdukur nga bashkëshorti i saj 31-vjeçar në datën 2 maj dhe vetëm ditën e sotme është bërë e mundur gjetja e të gjithë trupave të pajetë.

LEXONI GJITHASHTU:

• Alma Arrazi u mbyt në Bunë me 3 fëmijët, Prokuroria e Shkodrës publikon hetimet
• Tragjedia në Shkodër, psikiatri: Dhuna, shkak për gjendjen e rënduar të nënës