“Transporti publik falas”, Këlliçi: Do ble autobusë të rinj, ulet trafiku dhe ndotja

Kandidati i opozitës për Bashkinë e Tiranës, Belind Këlliçi i qëndron premtimit të bërë pak ditë më parë për transport publik falas.

Në emisionin “Now” në Euronews Albania, Këlliçi u shpreh se kjo është e realizueshme.

“Do ulet rrafiku në qytet, ulet ndotja e ajrit. Patjetër që po. Ka vende plot që e bëjnë. Janë 250 qytete që e bëjnë në të gjithë botën, e ofrojnë këtë shërbim pjesërisht apo plotësisht. Është Talini, kryeqyteti i Estonisë, është Luksemburgu, është Malta.

Është Greqia, ka një zonë të caktuar në Athinë që ofrohet me rreth 70 mijë banorë. Është një praktikë që nuk po shpiket për herë të parë”, theksoi ai.