Tjetër aksion i Policisë së Korçës për kapjen e personave që transportojnë emigrantë të paligjshëm drejt Tiranës kundrejt pagesave.
Gjatë një operacioni mëngjesin e sotëm u konstatuan mjete luksoze të cilët kanë tentuar të çojnë drejt Tiranës rreth 15 emigrantë të paligjshëm.
Burime bëjnë me dije se u arrestuan 4 shtetas kosovare, 3 meshkuj dhe 1 femër, të cilat me disa mjete kanë mbajtur në makina të huajt, duke u premtuar kalimin drejt kryeqytetit në këmbim të parave.
Aksioni u zhvillua nga seksioni i trafiqeve dhe narkotikëve në DVP Korçës si dhe sektori i AM, pasi ka patur raste të përfshirjes të punonjësve të policisë dhe të gardës në këtë aktivitet të paligjshëm. Kapja e mjeteve, kosovarëve dhe emigrantëve të paligjshëm u bë në rrugën nacionale Korçë – Pogradec, ndërsa mësohet se emigrantët i kishin marrë në Bilisht. Priten detaje zyrtare nga policia për rastin.