“Trashëgimia”, “Përplasja” dhe “Ariu” dominojnë në ndarjen e çmimeve “Emmy”

Tre seriale dominuan natën e ndarjes së çmimeve “Emmy”; “Ariu”, seriali më i mirë komedi; “Trashëgimia”, drama më e mirë; dhe “Përplasja”, për serialin më të mirë. “Trashëgimia” fitoi kështu çmimin e tretë për sezonin e katërt dhe të fundit, bashkë me çmimet për aktorët më të mirë.

“Ky është një serial për familjen, por dhe për rastet kur politika partizane e lajmeve ndërthuret me politikën përçarëse të ekstremit të djathtë. Megjithatë, pas 4 sezonesh, ky është një problem i zgjidhur”,-tha Jesse Armstrong, producent ekzekutiv i serialit “Trashëgimia”.

“Ariu”, tregon jetën e një familjeje grindavece dhe atë të një kuzhinieri që mban në këmbë një restorant, fitoi çmimin e komedisë më të mirë për sezonin e parë. Gjithashtu, ai u vlerësua për performancën e aktorëve me Jeremy Allen White, që u shpall aktori më i mirë dhe Ayo Edebiri që fitoi çmimin e aktores më të mirë mbështetëse.

Seriali “Përplasja” fitoi çmimin e serisë më të mirë me edicion të kufizuar, ndërsa Yeun dhe Wong u bënë të parët amerikano-aziatikë që fituan çmimet për aktorin dhe aktoren më të mirë. Krijuesi i serialit, Lee Sung fitoi çmimin e skenarit dhe regjisë më të mirë.

Aktorja Quinta Brunson fitoi çmimin për aktoren kryesore në një serial komedi. Këngëtari dhe pianisti i famshëm britanik, Elton John mori çmimin “Emmy” për varietenë speciale “Elton John Live: Lamtumirë nga stadiumi ‘Dodger’”, një koncert dokumentar që u transmetua në “Disney +”.

LEXONI GJITHASHTU:

• “Autoportreti si Otello”, poeti xhamajkan fiton çmimin për poezinë e tij “teatrale”
• Emigrimi në Gjermani, kur dhe si ndryshon rregullorja për punëtorët shqiptarë