Trazirat në Brazil, arrestohen mbi 400 persona

Mbi 400 persona janë arrestuar tashmë si pasojë e sulmit të kryer nga mbështetësit e ish-presidentit brazilian Jair Bolsonaro mbi ndërtesat e pushtetit në Brasilia, ndërsa puna vazhdon për identifikimin e atyre që morën pjesë në sulm.

Dje mijëra protestues sulmuan ndërtesat e institucioneve më të larta shtetërore.

Një sulm “vandal dhe fashist” kundër institucioneve demokratike, tha presidenti i Brazilit, Luiz Inacio Lula da Silva, duke siguruar se protestuesit do të dënohen në mënyrë shembullore.

Megjithatë, paraardhësi i tij Bolsonaro dënoi atë që ndodhi

“Demonstratat paqësore, sipas ligjit, janë pjesë e demokracisë. Plaçkitjet dhe pushtimet e ndërtesave publike si ato të sotmet, si dhe ato të praktikuara nga e majta në 2013 dhe 2017, janë ilegale”, tha ai.

Ndërsa presidenti amerikan Joe Biden ka dënuar atë që ai e quan “sulm ndaj demokracisë dhe transferimin paqësor të pushtetit në Brazil”, duke siguruar mbështetjen e plotë të Uashingtonit.

LEXONI GJITHASHTU: 

• Reshje shiu dhe dëbore deri të martën, parashikimi i motit për javën
• 45-vjeçarja: Jam abuzuar që 6 vjeçe, partneri më shpëtoi nga vëllai im pedofil
• Grabitën mijëra euro dhe dollarë, sot jepet masa e sigurisë për nënë e bir