Tre burra dënohen me burgim të përjetshëm për rrëzimin e avionit mbi Ukrainë

Dy rusë dhe një ukrainas u dënuan me burgim të përjetshëm për shkaktimin e rrëzimit të MH17 mbi rajonin ukrainas të Donetsk në vitin 2014, duke vrarë 298 personat në bord. Vendimi është marrë ditën e sotme nga Gjykata e Qarkut të Hagës.

Rusët Igor Girkin, Sergey Dubinskiy dhe ukrainasi Leonid Kharchenko janë shpallur fajtorë për katastrofën, tha gjyqtari kryesues Hendrik Steenhuis.

Një tjetër shtetas rus, Oleg Polatov, u lirua nga akuzat.

Gjykata deklaroi se Girkin, Dubinskiy dhe Kharchenko duhet të dëmshpërblejnë të afërmit e viktimave një total prej 60 milionë eurosh.

Vendimi vjen më shumë se tetë vjet pasi avioni Boeing 777 i Malaysia Airlines që fluturonte nga Amsterdami në Kuala Lumpur u hodh nga qielli më 17 korrik 2014 pas një konflikti midis rebelëve pro-rusë dhe forcave ukrainase.

Avioni u godit nga një raketë e furnizuar nga Moska dhe shpërtheu në ajër, duke shpërndarë rrënojat dhe trupat mbi rajonin ukrainas të Donetsk.

LEXONI GJITHASHTU: 

• Zbulohet Kupa e Botës në Doha, francezët kërkojnë ruajtjen e titullit
• Energjia, Rama: Mbetemi në tregje të vogla nëse s’shkojmë përtej kufijve