3 kryeministra të BE vizitojnë sot Kievin

Kryeministrat e Polonisë, Çekisë dhe Sllovenisë do të udhëtojnë sot për në Kiev ku do të takohen me Presidentin e Ukrainës, Volodymyr Zelensky.

Vizita është konfirmuar nga qeveria polake, e cila thotë se qëllimi është për të konfirmuar “mbështetjen e pa ekuivok të të gjithë BE për sovranitetin dhe pavarësinë e Ukrainës”.

“Qëllimi i vizitës gjithashtu është për të paraqitur një paketë ndihme në mbështetje të Ukrainës dhe popullit ukrainas”, është shprehur Mateusz Morawiecki.

Kryeministri i Çekisë ka shtuar se vizita e Këshillit Evropian ka për qëllim të ritheksoi mbështetjen për liri dhe pavarësi.