Tre skenarët e Blendi Çekës për ndarjen e mandateve në Tiranë

Pedagogu Bledi Çeka dha tre skenarë lidhur me rezultatin e zgjedhjeve dhe ndarjen e mandateve në Qarkun e Tiranës, që është edhe qarku me numrin më të lartë të mandateve, plot 36.

Sipas tij, barazimi më historik që nga 2013 në Qarkun e Tiranës është ndarja 18 mandate PS, 16 mandate PD dhe 2 LSI, teksa mandati i dytë i LSI sipas tij është i sigurt.

Por sipas z. Çeka, janë në lojë edhe dy skenarë të tjerë, brenda marzhit të gabimit.

“Nëse e interpretojmë në ekstrem pozitivisht për PS, mund të jemi në situatën 19 PS – 15 PD – 2 LSI, se më duket shumë vështirë që LSI të lëvizë nga dy mandate, por nëse e kthejmë invers mund të jemi në situatën dhe 17 PS – 17 PD – 2 LSI”, tha z. Çeka, teksa shtoi se sipas tij skenari dominant është i pari.