Tregtia me Izraelin dhe Iranin, Shqipëria preket nga bllokada

Në emisionin Money në Euronews Albania, u shqyrtua këtë të shtunë ndikimi i mundshëm në ekonominë shqiptare i një përplasjeje të mundshme ushtarake Izrael-Iran.

Ekonomia shqiptare është e cenueshme sa herë që një krizë ushtarake apo ekonomike shpërthen në një pikë të globit. Kjo u provua, pas shpërthimit të luftës në Ukrainë, ku nafta që prodhohet në vend, nuk pati asnjë peshë lehtësuese në cmimet e të gjithë mallrave të tjerë. Por, Lindja e Mesme mund të mos ta ketë këtë efekt.

Analisti Eduart Gjokutaj u shpreh për Money: “Besoj se ajo që ndodhi me Rusi-Ukrainë, dhe ndikimi që pati, në lëvizjen në Shqipëri, nuk është e tillë që të përfshihet në rrathët e ndikimit, pasi është larg jo vetëm si distancë, por edhe në raport tregtar, si me Shqipërinë, ashtu edhe me rajonin. Deri tani, pritet të mos ketë ndikim te nafta dhe mallrat me rëndësi, sepse vetë tregjet po reagojnë me rritje prodhimi që të përballojnë një qasje ndryshe dhe në këtë mes Irani, deri më tani renditet në pozita të sigurta”.

Shkëmbimet tregtare me Izraelin i kanë kushtuar cdo vit vendit tonë 50-60 mln euro. Ato me Iranin 10 herë më pak. Në këto vende, ne marrim kryesisht, lëndë djegesë, plastikë, apartura, qelq dhe fruta të thata. Dhe bazuar në volumin që zë, kjo tregti konsiderohet modeste me Izraelin dhe e papërfillshme me Iranin.

“Ndikimi është në nivele minimaliste, pasi partnerët tanë janë Europa dhe fqinjët dhe natyrshëm që i gjithë ndikimi kufizohet indirekt se si këto vende do të ndikojnë në tregjet që Shqipëria ka partnere, siç ndodhi në rastin e konfliktit Rusi-Ukrianë. Por, vendit tonë i takon të mbushë boshllëqet dhe të garantojë kërkesat për siguri ushqimore dhe në rastin e Iranit me sigurinë kibernetike”, tha Gjokutaj.

LEXONI GJITHASHTU:

• Stuhia që po sjell lindja e mesme, a jemi gati?
• Irani thotë se do ta lirojë ekuipazhin e anijes së lidhur me Izraelin