Tregtonte fishekziarre, procedohet pronari i një biznesi në Vlorë

Policia e Vlorës këtë të shtunë ka proceduar penalisht pronarin e një subjekti, pasi në lagjen “Pavarësia”, Vlorë, trgtonte lëndë piroteknike, fishekziarre, në kundërshtim me ligjin.

Sipas raportimeve paraprake, është proceduar shtetasi D. K., 31 vjeçe, banuese në Vlorë.

Ndërkohë, janë sekuestruar në cilësinë e provës materiale 179 copë lëndë piroteknike (fishekzjarre), të cilat mbaheshin për tregtim.

Njoftimi i plotë i policisë:

Vlorë/ Vijojnë kontrollet për ndalimin e tregtimit të kundërligjshëm të lëndëve piroteknike, në prag të festave të fundvitit.

Sekuestrohen 179 copë lëndë piroteknike (fishekzjarre), të ndaluara për tregtim.

Procedohet penalisht pronarja e subjektit tregtar.

Në kuadër të zbatimit të planit të masave për parandalimin dhe goditjen e tregtimit të kundërligjshëm të lëndëve piroteknike, në prag të festave të fundvitit, shërbimet e Komisariatit të Policisë Vlorë, në bashkëpunim me specialistët për Hetimin e Krimeve Ekonomiko-Financiare, kanë intensifikuar kontrollet në subjekte tregtare.

Si rezultat, gjatë kontrollit të ushtruar në një subjekt tregtar me aktivitet ushqimore, në lagjen “Pavarësia”, Vlorë, u konstatuan 179 copë lëndë piroteknike (fishekzjarre), të cilat mbaheshin për tregtim në kundërshtim me ligjin.

Lëndët piroteknike u sekuestruan në cilësinë e provës materiale si dhe specialistët për Hetimin e Krimeve Ekonomiko-Financiare u referuan materialet në Prokurorinë dhe nisi procedimi penal pë shtetasen D. K., 31 vjeçe, banuese në Vlorë.

Kontrollet për parandalimin e tregtimit të kundërligjshëm të lëndëve piroteknike do të vijojnë në të gjithë territorin e qarkut Vlorë, me qëllim garantimin e sigurisë së qytetarëve gjatë festave të fundvitit.

Materialet procedurale iu referuan Prokurorisë për veprime të mëtejshme.