Tregtonte mallra kontrabandë dhe fshihte të ardhurat, arrestohet 42-vjeçarja

Një 42-vjeçare në Tiranë është arrestuar në kuadër të operacionit policor “Omega”.

Ajo magazinonte dhe tregtonte mallra të dyshuara të kontrabanduara si dhe fshihte të ardhurat e përfituara nga kjo veprimtari

Polica ka sekuestruar edhe veshjet dhe produkte të ndryshme kozmetike, të kontrabanduara.

Njoftimi i policisë

Specialistët e Seksionit për Hetimin e Krimeve Ekonomiko-Financiare, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës së mallrave, pas një pune të mirëfilltë hetimore, organizuan dhe finalizuan operacionin policor të koduar “Omega”.

Si rezultat i këtij operacioni u vu në pranga shtetasja E. Rr., 42 vjeçe, banuese në Tiranë.

Në Komunën e Parisit, gjatë kontrollit në dyqanin e shtetases E. Rr., shërbimet e Policisë gjetën dhe sekuestruan, në cilësinë e provës materiale, mallra dhe produkte të ndryshme, pa fatura tatimore shoqëruese apo deklarata doganore për origjinën e tyre. Nga verifikimet ka rezultuar se kjo shtetase nuk deklaronte në organet kompetente, të ardhurat e përfituara nga kjo veprimtari.

LEXONI GJITHASHTU:

• Xheni Karaj: Jap shpirtin dhe gjakun për partneren time, jam sulmuar në 8 vite
• A do ekstradohet Radoiçiç në Kosovë? Shpjegon juristi Spahiu